今早寫hompy寫到5點幾,頂唔浦,走去瞓一瞓! 6點幾不情不願起身,call定taxi,著衫化粧，趕頭趕命出門口，bbqq仲嘈到拆天，攪到一入就撞倒蘋果保安！落到樓下，見架call 的停响2座，奇奇怪怪，原來係我頭先未瞓醒，up錯座號！仲因遲到幾分鐘，俾司機哦左幾句！

會合爸搭bus去机場！啱啱miss左一班，等左一陣！去到見過細細粒兼講嘢細細声嘅領隊Joesiphine wong ,就速速去左大家樂早歺，哈，個蕃茄通同醫院一樣味道！之後買左本U,就上机！釗哥就慘囉,2am做TM山火，OT到12noon，心痛！10:40am起飛，港龍KA920,2pm去到大連，落一落机，2:30pm再上同一班机去瀋陽！call過釗哥，佢瞓到暈左！講吓隻机, mini嘅,左右3個位!空姐有cute有靚，幾有礼！值得一讚係個飛機歺，器皿紅白色,好sharp! 食物仲好ok,有西芹蘿蔔豬肉飯，少辣，幾野味! 另外有菠菜寬麵，好爽口吖! 薯仔蔬菜沙律中有大蝦,新鮮!至正係菠蘿批,批面脆口,中間係菠蘿,底係牛油餅,三層口感,真係正正正!而轉机後有小香蕉 cake+橙汁作tea!

4pm到瀋陽，約-10度，無咩风,都ok! 原來lee度係有全陪+地陪，佢地接我地,出机場行一段路上bus,事關旅遊巴唔可以泊入機埸! 地面有不少冰及積雪,但污糟,因馬路關係! 要小心行路，d冰幾跣！今日無落雪!

第一站去中街購物大道行1hour! 全陪帶我地去鞋鋪買雪鞋,$49對,抵! 個個買深色硬膠,我就貪靚,買對白色尼龍+毛毛!仲係40號,預著厚襪+插褲脚!Dad無買,因細佬對鞋夠厚!

之後各自行,發覺好多鋪頭賣冰糖胡盧，我買了原味試下,(因有好多款)好好味,硬硬地脆脆地,好食過北京果d,可能lee度凍d,爽口d卦!$2一大串，但食一半已好漏,dad又食d,最後放棄lu! 再周圍行陣,發覺好多鋪頭都好in,亦有不少香港嘅牌子！街上亦有不少打扮入時嘅年青人添，真令我感意外! 晚上-14-15度,但又唔覺咁凍!集合時,團友攪笑師奶請我食mini粟子,好正架,比hk有味好多,又唔太乾身!團友仲食串燒添,但之後聽聞肚疴!

之後dinner,係普通歺,菜、魚、肉、蛋、湯樣樣有,仲有饅頭,但一般，酸排骨唔錯，炒蛋、炒云耳都啱胃口，但"巾"好淡,酸菜湯好咸吖！lee度d米好得意,肥嘟嘟似日本米!最攪笑每枱有汽水1支+啤酒2支！無人飲汽水，多數飲茶!5朵金花就有2個like啤酒！lee班師奶好攪笑,咩都講,好攪鬼! 雖然全團得我1個後生女,但團友實在太風趣,笑死我la!

釗哥call back俾我,佢同dad&mum dinner!

第1晚住4星holiday inn! 大堂有個聖誕feel城堡,仲有人現場彈琴，好有feel！上房後,領隊逐間巡,細心!

間房好寬敞,算乾淨舒適！BaTHING後,膚MASK,DAD仲冲杯HONEY TEA俾我潤吓!我再寫吓日記,睇吓報紙，就SLEEP! 釗哥打妮話仲食緊,講返TM case已ok,今朝村民仲請佢食芝麻糊，好攪笑！

九龍城嘉林邊道8號a3地鋪. tel:23361838.

之後去探史迪仔，史迪仔講嘢好過癮，攪氣氛一流，笑到我吖！佢仲同曉瞳talk吓,又叫曉瞳唱歌，曉瞳唔怕醜，即唱"別怪他",好攪笑!! 之後再玩吓巴斯&過山車,食吓爆谷，睇埋閃閃城堡&煙花&飄雪,就走!  聖誕城堡好靚,識變色，好華麗！配上煙花&配音，好浪漫! 再戴埋disney眼鏡，仲可睇倒煙花變成雪花，好得意！之後青衣城,先妮影吓monsters,再去"一葉家"dinner!

PS: 响Disney,細路寧舍多優惠,有小朋友真good!!

hea一陣,就落樓下賭場,又係好大好靚,好寬敞好grand!!!

條威尼斯河係就係mini左d,但都挺浪漫嘅！

雖然package要$1099，不過物有所值!!!

平日價，各大旅行代辦，但要預早3個工作天!仲有,平日尾班船係8pm吖,咪miss吖!!

紅洒博物館要$15入場費,有得試飲洒,不過得1小杯! 埋面有葡萄洒種植及釀造歷史，由公元前1萬年至今！睇完歷史去試洒,開初係個nice鬼仔負責倒洒,我揀左甜嘅紅白酒,好正,易入口!! 咪再叫鬼仔倒其他俾我試,我又揀rose味,但.....好難飲! 同鬼仔影吓相,social吓,佢執d dirty杯走開! 由另一個中國女人睇埸,我地又叫佢倒返之前隻甜紅酒俾我地再試吓,她冷冷的說: 1人只限1杯! 於是走人,臨走前買左支甜紅酒,仲叫個女人倒多杯再試真d,佢見有生意做,先死死氣去倒,仲話買就決定la,外面無得買架! 神氣得佢吖! 俾張$500蚊紙佢,又嫌三嫌四,又話無得找!! 不過見釗哥鍾意,我又走返轉頭,買多支甜白酒!

高美士街澳門旅遊活動中心

7984188

10am-6pm,逢星期二休息

另外，我成日懷疑QQ係"冷感"架！事関我未見過佢擒其他dog! 而今日第一次見bb擒隻史納沙，雖然心中有d覺得怪，但証明bb係正常！不過後來証實隻史納沙係男仔，莫非bb係............？！以免打攪人，bb唯有帶返狗繩！

仲有吖，我同釗哥有時會抖吓坐椅，坐坐吓，突然釗哥同我feel倒天降水點，望上天，Oh no！！！好多隻白鴿响tree上殊殊丫！！！

注意:

地址：灣仔寶雲道（肇輝臺對上）地段。

交通：乘車往灣仔由肇輝臺或灣仔峽道徒步行十分鐘可到。

1PM倒,我、emily、細妹、吖馬、吖牛、子慧，6條女响中環交易廣埸bus stop集合，再坐往山頂巴士，中途落車，沿寶雲道去姻緣石！沿途平路，有樹蔭，有點風，又有山下風景！而我地6queen就咩都talk，東講是非，西講賤嘢，連途人鬼佬也令我地笑一歺，笑到牙胶軟，我地真係..........好嘈吖！！！

其實拜姻緣石要揀舊曆初六、十六、廿六去拜先好,今日正是喇！事緣吖馬不按日子拜了5、6次，就响面臨絕望時,遇到現任老公! 而我好同事Elsa就按日子去了1次,仲有婆婆"靈驗"之言,識了而家男友!而帶佢去嘅fd又係,識了樣好兼打政府工嘅老工!以上個案真的嚇了我一跳!!而今次係見倒個吖婆& 2 man,但無主動講咩吖!

上姻緣石要行d樓梯，上香，吖馬仲帶備燒肉還神，子慧因信教，所以無拜！而我細妹仲掛埋寶碟添！其實果度係有1set嘢可以買嘅,幾十蚊全套,下次真要我妹妹再來一次先得!!轉吓風車，添埋香油，就拾n級樓梯落灣仔，搭bus去中環...........

正常平日價$118！

VIP年費近$400!

地址：福田區福强路居雅苑商業裙樓一、二屋

Tel:0755-83567888

29/11/2007 今次做日式推油!($138)

今日好少人，唔知關唔關天氣cold事呢！今次按肩&脚也不錯,按肩仲係男人添,手勢很好,但佢地總有陣味！之後我同flying做嘅日式推油就一般，只係按頭最舒服！都好似中式正d!釗哥就係自己做中式喇,仲讚不絕口! 另外熱石Spa好似唔錯,下次真要try吓!!!

南蓮園池就多野睇d，種更多植物&花！沿途也不少攝影發燒友、鬼佬、老人家！入口係"烏頭門"，門上的花紋是依照敦煌高窟壁畫而造，雕刻精緻！內裡有木化石，原是樹木，經過億萬年演變成石頭，非常珍貴！仲有石館，內裡擺滿很多廣西的紅水河奇石、大化石、三江石等，有d仲可以俾人閒坐，好清涼架！其他仲有木結構建築藝術館，蓮池，蒼塘(養左好多肥錦鯉)....."松茶榭"係觀賞蓮池和蒼塘嘅最佳地方，供應武夷岩茶，是武夷山無污染產茶區嘅茶種，不過最低消費成$120！龍門樓係食山家素菜架，以前晤開放架，標榜少油少盬！我見到龍門樓外嘅瀑布&水車，已經覺得好靚，再睇倒瀑布內是龍門樓窗口，已經晤理自己餓唔餓，幾點鐘，已經衝入去！嘩，閒日都要等位！入到去，點左個素菜飽、素菜餃，total$75, 因下午茶每位至少要$35！點知佢話要每位至少要75，原來果時1點咋，lunch time！我真大意，慘la,頭先先飲完茶，都未落格！唯有再叫多個"翡翠福袋"！飽&餃d料差唔多，好清新，無油，仲有點薑味！飽細皮薄，香軟！至於福袋，個汁+福袋皮，甜甜地，內有多款蔬菜絲！Sat去一定full，要去就要book位！

城中古園 鬧市尋幽 雖由人作 宛自天開 

地址：鑽石山鳳德道60號，MTR C2，7am-9pm, Tel:23298811

尋日朝早，食個早歺，都無瞓過，釗哥放工返妮就恰左個幾鐘，就join christy搭西鐵出去！

今次第一次去，好新鮮，氣氛好好，加上係夜晚，感覺好唔同！令原本對海洋公園玩到麻木嘅我，又再覺得好新奇！仲有同釗哥、一大班fd、hompian友一齊，好熱熱鬧鬧吖！尤其係釗哥吖，lee排咁辛苦之餘，又陪我旅行，前日duty仲咁金添，尋日陪我玩又無怨言(佢對哈囉喂興趣一般咋！仲要尋晚好多足球賽事吖！)，令我好感动！看見他面上倦容，令我不禁收起小姐脾氣，體諒一下他，haha！

大家買定乾糧，再响金鐘大家樂邊等邊食，齊人11就出發！flying就因fd遲了，無法同我地一齊，好失望吖！4:30pm已經入到去，一連玩左3個鬼屋"鬼旅逃生""死囚浩劫""瘋醫生解剖室"！我不嬲唔怕，至怕釗哥係我後面突然攪我，笑鬼死！原來creamy&小玲真係好驚架，笑到我丫！有佢地响度，令恐怖氣氛增添不少！而寶寶之後同honey離隊，向各鬼屋進發，先睹為快！

之後行吓，玩吓機動遊戲！我有玩越礦飛車，夜晚玩更刺激吖！但唔係個個肯玩，好似每pair派代表咁，haha！街上有不少妖魔鬼怪周圍嚇人，好攪笑，仲影左好多相添！Christy 、 小K & creamy也不弱，造形突出，呃唔少人呢！我就帶吓帽、一時帶頭飾、仲有眼裝飾，不停換，連手指甲、耳環都唔放過，好貪心呢！仲派南瓜哈囉喂綿花糖添,hehe！

他們玩飛天千秋果陣，釗哥見人地玩"大力士"，佢又想試！我話：你隻手未好返晒喎！過2日又要考體能！不過他堅持玩一次，好細路，haha!

仲有坐"海洋魔天塔"，釗哥好開胃，頭先先食左巨無霸+薯條，而家仲响塔內食埋之前買定嘅三文治，仲話果度係旋轉歺廳添！

之後分2車搭纜車，夜晚風景很美吖！落車後再玩多1個鬼屋"鍾旭捉鬼"，可能夜晚氣氛好，加上lee個佈置恐怖d,時間長d,所以幾好玩！

影個合照,creamy&男友走先！而我&釗哥前晚因返通宵，體力不繼，亦宣佈離隊，同小玲走la！餘下christy&小K兩pair！

總括妮講，由搭車 & 纜車、排隊玩game & 鬼屋(除了熱門果2個)、買嘢食...，都係排一陣隊，唔算過份！

最後鳴謝：發起是次活動&邀請我嘅寶寶，加入人仕&聯絡hompian嘅christy,仲有買飛嘅小玲，抵錫，thanks!!!!

http://www.slide.com/r/uQ7gGmPf6j97ZepAhnYUrua1x0gWf_5Z?previous_view=lt_embedded_url

天晴，9-15度

釗哥新屎坑，著新買嘅鞋！

食過洒店早歺，就出發去三文魚捕獵水車，lee個係日本著名嘅三文魚養殖埸！聽領隊嘅題外話，日本人以前先係向中國買左幾年鱔，之後自家繁殖，仲更肥更靚，叫做鰻魚！仲好有頭腦，發明左鰻魚汁！但lee個養殖埸好悶，不過周圍環境好靚！見三文魚扭蛋好得意，100yen，咪玩返個，lee個時侯，駐場嘅1位嬸嬸，手持一些東西，一邊猛叫釗哥伸手接住，一邊温柔咁講：present! present! 嘩，原來佢送左個扭蛋俾釗哥！啍，點解唔係俾我喎！之後要求合照，她怕醜婉拒了，我地離開後，她追了出來，送我一條小手巾，質地非常好架！無論咩原因都好，都好感動！上車後，領隊問邊個收到嬸嬸毛巾禮物，事関佢讚毛巾質地好，洗面一流喎！原來收到毛巾嘅有佢自己、benny&我！佢話係靚仔先有(佢以為係送俾釗哥)！頭先釗哥揸住影相果陣，你都唔係咁講架！！

下一站去北海道大學銀杏並木紅葉大道，這裡的道路兩旁長滿銀杏樹，樹葉部分已變成金黃色，直路望去，好美！領隊也校好靚位，趁馬路無車幫我地逐一合照！之後去7仔行吓，買左個牛奶樽外型嘅鮮奶布甸，好yummy！間7仔仲有個長頸鹿裝飾，同我手指甲果隻好match架！

100yen shop係我地要求去，所以得個半鐘，其實同香港$10shop差唔多，我買左d月曆，釗哥買左d呔！跟手去埋樓下間pet shop！嘩，好大間吖，好多唔同種類狗bb，但無歌基囉！不過買倒唔少手信！雖然pet shop多狗，但毫無異味，好衛生丫！最後去玩夾公仔，100yen一次，第一次釗哥噤錯制，食白果！第二次就一箭雙鵰:雞仔公仔+車仔，haha!

Lunch去食某洒店嘅"和洋自助餐",除天婦羅、咖哩飯、黑椒意粉yummy之外，其他就麻麻哋姐！半生熟蛋就更加食唔怪添！不過係lobby俾我買倒一條護士電話繩，好happy吖！之後向領隊訂左面膜(Q10:6300yen)，再聽他講解下一站行程+奉送一張細心地圖！

之後殺去狸小路商店街，先瘋狂買手信:筆+Food，有團體折扣，比出面抵！然後去商場睇Agnis b，不過無咩款，釗哥失望！再行吓,買左手信俾佢Dad, &買左2對絲襪俾自己！再去睇埋Porter，但又睇唔啱，返狸小路商店街行左陣，3 hours就完了！再去埋明治時計台影吓相！

有一樣嘢值得一提嘅，就係d的士停响街邊等客果陣，係會打開定度車門架，天氣凍亦如是！都好親切姐！

就去食牛肉+和豚豬肉Shabu Shabu放題dinner！2人一鍋！牛肉唔錯，+上肚餓，連飯一齊食到無停口，豬就一般！仲有食埋自費鮑魚1隻(6500yen)，尷生用清酒煮熟！但無咩清洒味，勝在新鮮彈牙呢，hehe!!飯後再睇古運河遺蹟(無咩特別！)&夜遊小樽，的確很美，但落微雨+cold丫！領隊校好靚位，避開現代建築物，幫我地影相，但...避不了途人呢！！

今晚住Hilton，好華麗！房間大點，向海！領隊仲細心安排吸煙層，haha! 食埋尋日買嘅朱古力飽(唔好食架)+洒店綠茶包(除第二晚唔知咩難飲茶之外，晚晚都飲)，再去領隊房交收訂左嘅朱古力、wasabi餅仔&面膜，&俾埋領隊導遊費(每人多俾$100呢，好滿意)，就瞓lu！

PS:今日下晝先發現，後2排坐位更寬敞呢！真笨！即刻轉都好過無！

http://www.slide.com/r/0FcLZ2lY5D8bB-KTVcaCkY2hMlvYD2cI?previous_view=lt_embedded_url

天睛, 9-15度！

Hilton早歺自助餐地方，亦係落地玻璃向海，好舒服！

領隊為了俾我地睇吓日頭嘅小樽，所以早d出發, 8:45am起行！講真，以前以為小樽好浪漫！但原來只係就角度咋！一邊係古代feel,另一面卻很現代城市feel，真有點失望丫！

之後去了水晶音樂城，置身其中，好似進入了童話世界的小鎮，街頭播着輕快音樂、有不少卡通擺設、特色建築物、古董鐘、鐘樓..........進入某間音樂盒店，共有3層，3樓係自制音樂盒地方！而一二層是各式各樣嘅音樂盒，很美很美！我也忍不住買了1個！

有一間coffee shop好得意，飲coffee送埋套杯，幾十蚊有交易！即使我唔好coffee，都去試試！2樓d杯麻麻，咪上3樓，d杯靚之餘，仲可以出outdoor garden嘆coffee！garden布置很精緻，而望落音樂城街頭，好過癮！買了1杯coffee，得細細杯，約2、3啖，不過好易入口喎，一下子唔覺意俾我飲哂，所以有人黑面，hehe!!件小cake就乾爭爭，無妮味道！

時間無多，趕住去買玻璃製品俾大細妹做手信！最後揀了個手搖鈴，1藍1紫，1個她1個我！有個sale仲讚我d指甲好卡娃兒添，hehe！臨走本想買杯出名嘅牛乳or七溝軟雪糕架，不過零$唔夠，又好鬼飽，so作罷了！

下一站本應去白之戀人朱古力工房，但由於改expire date事件，故暫停營業！聽領隊講，係老闆母親叫工人改後一week！事件見光後，老闆自动暫停營業！所以改去了日本出名beer-七寶啤酒廠！原以為會好悶，點知又唔係噃！一路跟住領隊走&聽他講解，像小學生般！短片中，全自動化+毫不經人手+高速生產+人眼final check，都令我嘆為觀止！可惜此乃舊生產地方，無真嘢睇！最後去試飲，領隊先玩弄我地，叫我地飲beer排左邊,右邊就飲果汁汽水，還不可拖手呢！激死！釗哥唔執輸，有我相助下，飲左4杯，benny仲勁，6杯！我1杯姐！另有cheese & nuts送酒,正！另外有200yen抽獎玩，係日本球隊禮物！釗哥抽倒手襪！新婚couple Benny & toby就得pen only! 有團友有雨傘添！benny & toby又抽，終於有手襪&雨傘！釗哥心思思又叫我試，啍....pen咋！領隊話我地爛賭喎！

Last一站去千歲全天候outlet！好大好多名牌，不過得個半鐘，連埋自費lunch時間，少得可憐！向來唔喜歡旅行shopping嘅我，當然不介意la！先去nike，買左件jacket俾dad,釗哥買波襪&帽！之後周圍行吓，見倒好多dog！Poodle原裝版也有，成隻金毛咁大隻吖！

俾左1000yen tips俾司機，係要用紙巾包住先叫尊重架！他很nice&有禮，朝朝講早晨，上前接行李！亦好敬業樂業，視車如人愛惜，成鬼日見佢洗車架！

去到機場，未上机有d時間，周圍行shop，釗哥不停試食，d food唔似香港得丁丁件，我食幾件就投降，釗哥就飽住上机！日本time 4:30pm上機，途經台灣，夜空望下，好靚！但4個幾鐘頭機，有d辛苦！香港time 8:30pm到！

PS: 果邊係無bell boy架！全程自己拎行李！仲有丫，日本人英文雖然屎，但自創了3個英文字: Walkman、Karaoke、 Tsunami(海嘯)

http://www.slide.com/r/5DT6yZXO2D_AJR9gPhm4mA5_YDnJetb5?previous_view=lt_embedded_url

鳴謝：釗哥全程贊助！

天晴，大風，7-13度

釗哥晨早起身，再去浸温泉，但男女温泉會輪流調轉，釗哥無為意，入錯女浴，俾一個穿了bra&under wear嘅本地婆婆提示下，才速逃！釗哥浸了我尋晚嘅風呂，好失望！早知我應該去浸先啱！！而我就响房對住洞爺湖，影吓相&玩自拍，haha！

之後落酒店食自助早歺，嘩，原來成層落地玻璃對住洞爺湖，好正！尋晚dinner因入黑，就唔覺特別！早歺無咩好食，依然係蛋卷至正！

今次旅行釗哥都愛上影相，成日玩自拍合照，又成日翻睇d相，好攪笑！去態牧場途中，見倒遍地太陽花，好靚吖！去到熊牧場，拿拿臨衝去買卡樂b蝦條，因為好搶手架，事關d涴熊好鍾意食架！另外，買埋蘋果餵棕熊就入場！首先餵棕熊先，好大隻黑mama，各有性格！有d熱情揮手，有d就大爺咁款，有d內向怕醜，有d仲瞓埋！總之飛個蘋果落去，佢地好叻對準個口接住即食！另外一邊有一排鐵籠，困住d捉返妮嘅野生棕熊，事関棕熊會襲擊人，好惡死架！之後去餵涴熊，佢地好得意，企起身打開手要嘢食個姿勢好可愛！但d人天不停拋一大蝦條落去，佢地食都食唔切，所以唔係點騷我地吖！有隻仲飽到走去角落頭嘔，嘔完又食返，好攪笑！剩返好多蝦條，又走去try吓餵棕熊，哈，又食喎！唔知佢地熱唔熱氣嘅呢！買埋d手信就走lu！

下一站係去任食水果園擇蘋果！真係好爽甜，自己揀，即擇即食，好過癮！我食左1個，釗哥食2個，每人再拎2個走！果度有一棵矮嘅mini蘋果樹好得意，釗哥仲執左隻mini蘋果仔俾我，好攪笑！仲有吖，佢地design左把蘋果刀好方便，由蘋果頂直切下去，即將蘋果分成6件兼無核！三十幾蚊把咋，但釗哥話買妮sign$喎！>.<而領隊今次嘅靚相位，就係爬上梯上面高抄影蘋果樹下！

離開鄉下，向ciyt進發lu!响車上不斷試食！紫菜、帶子、朱古力、wasabi餅2款............最後幫襯2款！

食lunch la!Lee歺激囉，話就話任食鐵板燒(太朗)，但嘢食款式多到嘔！除左各款燒肉外，又有多款壽司，仲要好鬼好味！即煮烏東爽滑彈牙！咖哩好味香濃！仲有沙律巴、炒麵、餃子........！連自制棉花糖機都有(俾釗哥笑我未玩過吖)！另外雪糕、汽水、爽健美茶、司樂冰(緣色、粉紅色)任飲任食，仲有自唧軟雪糕兼加配料，好好玩！仲有仲有吖....甜品好多款，窩夫、朱古力cake、緣茶cake吖！至正係粟子cake，粟子蓉好香滑新鮮，gooooood吖！另外仲食埋塊自費神戶牛柳(8000yen)，係領隊燒架，司機幫手！的確唔錯，但未至於好驚喜，另外仲有個盒留念添！Benny仲請左塊雪花俾釗哥食！

之後再出發去北海道神宮，它位於圓山北斜面，1870明治政府為祭祀北海道開拓之神而建，是日本最大的神宮！果日所見，都有唔少本地人一家大小去參拜，大嘅著得端莊，小女孩就穿和服，好卡娃兒吖！團友和我忍不住同其中一個小女孩合照，但她相當怕醜，愈影愈扁咀，當輪到我時，也嚇得我想放棄！但她媽媽笑她的女兒，亦好攪笑地要女兒影完為止！之後釗哥又揾穿和服嘅女子合照，唔知她怕醜定咩la,好似不太情願咁！仲有見倒個男仔B好可愛，勁似dad！最後响休息室飲茶食塊餅，就走lu！

再係薄野不夜天行一陣，先行吓拉麵街，再自己行supermarket，買左d手信+1件朱古力bread！釗哥仲試食拉麵添！然後行運動部，釗哥買左對斷碼adidas，約$280，開心死佢丫！

今晚住Sheraton Sapporo Hotel，房間比温泉酒店細，但豪華得多！由於附近建築物不高，即使房間景觀一般，但可望見遼寬嘅周圍環境，很舒服！至於晚歺地方就更靚，有教堂嘅布景，旋轉樓梯，加上圓頂透明天窗，好浪漫吖！今晚晚歺亦相當豐富，係長腳蟹自助餐！一坐底，侍應便端上一大碟長腳蟹，嘩，蟹腳又長又大又粗，正！釗哥enjoy拆蟹腳，我就不停進攻甜品！蟹腳多肉鮮甜帶海水味，加上係釗哥拆嘅，梗係正上加正啦！至於甜品，值得一讚係拿破崙，內有一層果沾，同cream好match，唔酸亦唔太甜，無搶味，正正正！

食飽後，就去享受贈送嘅水療SPA，不過無咩特別，浸按摩池姐！同團友talk左陣旅行經，就返房！原本想跟領隊出去食地道平靚正宵夜，但太飽+太攰關係，無去到！！

http://www.slide.com/r/XqAmFy_V1D-Wp4FBRZUz5fNGKVRWv4ir?previous_view=lt_embedded_url

天晴，大風寒冷，有過云雨，8-14度！

朝早一起身，聽到窗外有一大班人唱歌！望出去，原來有班地盤工人開工前唱歌！釗哥話：原來日本人都興！我就串佢：係人地學佢咋！之後落洒店食自助早歺！嘩，原味乳酪好鬼滑，易入口！蛋卷都好啱我口味！牛角飽就無香港咁好食！其他就普通，但款式多！

之後去登別地獄谷，煙就多，但唔熱嘅！沿路楓葉好靚！原來楓葉總共有6種顏色，加埋緣色先叫有7色！紀念品館內仲有得蓋印留念，好得意！昭和火山只係路經！

領隊介紹左隻"爽健美茶"俾我地，話好飲健康之餘，仲可通便，獲獎無數！果真無介紹錯，陣味好特別，好好飲，lee個旅程就係狂飲佢喇！

下一站去羊蹄山，果度有條小吊橋，兩旁有開滿楓葉嘅樹，好靚！去果度係為左飲湧泉礦水，d水自羊蹄山流下嘅雨水滲透至地底下，經過自然嘅過濾過程，而凝聚成甘甜嘅泉水，此水經過經年累月累積，含有各樣養份！當日就見倒唔少本地人去裝水走！我梗係唔執輸飲返幾口，果然冰涼甘甜，正！另外果度有間鋪頭仔，賣熱乎乎粟米，仲寫明甜度係14，見團友讚甜，咪試吓，真係好好好甜吖！仲有試食蜜瓜，又係超甜！另外領隊又推介一檔薯餅，好出名，100yen咋！嘩，薯蓉餡又軟又綿，熱辣辣，真係正到痺！仲食埋提子雪糕，老闆娘仲同我地影相！吖，食死人la！我地巴士開走，鋪頭d人出妮又byebye又彎腰，好親切吖！

Lunch去食毛蟹風味石狩鍋，歺廳位處海邊！但先去地下嘅蟹御殿海鮮市場，果度好多活海鮮，可自費購買加料，我地就買左毛蟹、响螺、海膽，盛惠17000yen！之後上2摟歺廳，嘩，望住大海食嘢真一流，仲可以行出露台吹吹風！自費海鮮加埋個毛蟹風味石狩鍋，好滿足！毛蟹主要食膏，啱哂釗哥！响螺爽甜，生熟食都good!海膽簡直令我愛上，事關我不嬲唔好，覺得又腥又一petpet！但今次食嘅，粒粒挺身豐滿，新鮮味甜，忍唔住係咁點豉油送飯！三文魚亦不錯！另外，日本火煱多用硬豆腐，表面燶燶地！不過都係軟豆腐好味d！飲埋CC lemon，正！領隊好鍾意幫我地影靚位相，完歺後，落正門，今次就影我地抬住隻蟹！haha!

跟住返洞爺湖Sun palace温泉洒店！Lee間洒店我好鍾意，首先我地間房對正洞爺湖，好似對住個海咁正！亦係瞓由尊人開嘅"他他mi"，房內仲有一個好靚嘅七彩水晶燈！酒店內仲有個和式温泉水上樂園，唔算話好大規模，但有各大小滑梯！好刺激好好玩！影吓新泳衣照，游一陣水咁！至於三段式人造海浪就停左，可能就關門關係卦！

玩完水之後，就食自助餐dinner，lee歺無咩特別，加上lunch食得太飽，好快走人，但自費飲嘅花泡香洒就好好飲！釗哥同我嘈左幾句，話我掛住影相，阻住佢食嘢喎！遲一兩分鐘食會死咩，食哂d food落肚又點影吖！我知你好攰，但唔洗咁燥&發我脾氣吖！我都無過問你食煙飲酒la！嬲得我吖！但當洞爺湖煙花正在房間窗外近距離爆放時，釗哥乘機撩我睇，嘩，打開哪個成幅牆咁大嘅窗，d煙花猶如眼前，好靚好浪漫！釗哥仲猛幫我影相！之後又去浸温泉！今次室外風呂，景觀開揚d,可望晴空&星星，仲要得我一個，好relax！不過釗哥果邊仲正，室外風呂對正洞爺湖吖！

行陣酒店機鋪，飲包北海道牛奶，就瞓lu！

仲有段小插曲，話說上酒店房前，係lobby等攞key，當領隊叫我，我就去攞key，然後一支箭去等電梯，等等吓，釗哥問我：妳咁悠閒嘅，妳件行李呢？吖...........好瘀吖，擰轉頭望，件行李响lobby中心！好瘀吖！！！

仲有仲有，舊相机非原廠電真唔掂，差d以為canon壞左！另外部PMP又唔知做咩，話我張SD無file,激死！

http://www.slide.com/r/UMfeEJNG7j8OTHHWr7mpTXv2el_n3Pmw?previous_view=lt_embedded_url

JKK5CX(縱橫遊，國泰)

下機前有雨，9度！

無錯，我係無瞓過！不過旅行前我通常係咁，留返係飛機瞓ma,機程都4個幾鐘！

釗哥果朝懶瞓，我有d黑面！6點幾搭的士去機場，半個鐘就到，盛惠$180！比預期集合時間7點半早左d，個領隊叫我地坐吓，d登機証未有，因日本而家好嚴，會耐d！但我就話：好肚餓吖！至於領隊，初頭望落去，成四五十歲，板起塊面懶醒咁款，印象麻麻！攞左登機証後，去寄行李，點知for團體櫃位得2個，條隊就水蛇春咁長，當堂無mood！事關我肚餓麻！好快我地後面d人龍都好長！正當我不耐煩之際！突然有位女職員，走到釗哥身旁，望住釗哥話：麻煩你過妮lee邊吖！我同釗哥仲一頭霧水之際，原來佢係開條新line去舒緩人龍，haha，所以好快就寄左行李lu！之後返去聽吓領隊講解，就派form俾我地先：妳肚餓，去食嘢la！hehe！笑死我！我地去左burger king食早歺！奶茶亦都到左機場&call我，我專心填緊form，所以互相告知登機閘口就收線！入閘之前，買d雜誌零食，又call吓奶茶，但無人聽！我亦夠鐘入閘，响26號閘排隊登機嘅時侯，突然耳邊有人講：我妮送機吖！個奶茶吖，變態架！亦首次見佢老公！斯文款！佢又話：咦，妳男友真人又唔似胡冰喎！(佢之前睇過某張電話相話似喎)我跟住叫釗哥快d俾個肚腩人睇la,激死佢haha！

CX580九點飛！釗哥坐窗口，63K&H,釗哥好攰又忟，瞓全程，唔小心整醒佢就黑面！(佢好攰兼瞓着教果陣，會好似上身咁架，咩人都無面俾，試過瞓瞓吓發夢打我一搥，我痛到喊佢先知，勁say sorry！真嘔电！！)

飛機歺食魚(好多薑但又腥，難食！)&牛(好味好多！)！但我都係鍾意食歺飽，又熱又軟，食左2個！仲有仲有吖，有個空中少爺幾靚仔架！而果邊比香港快1hour！日本時間2點幾到機場！過健康櫃：say honk kong就ok！過入境，好耐吖！過行李，staff想check釗哥件行李，咪打開晒俾佢check！學領隊話齋，未check就扮檬，咩都say no！佢一話check行李，就要表現nice，免被留難！因而家多數都check行李，不過個staff都好有禮，仲問我地stay幾耐！比10年前，日本人英文好左d！

上縱橫遊大巴，36人仲有位剩，舒服！領隊話尊玩頭4行人仕，我地就坐左車尾！lee個團有1家6人，有老人！另四五十歲幾pair，3十幾歲pair，我地至young！個個好nice，無bb巴巴，亦無煩人！

領隊係好資深(49歲la)，雖然粗聲粗氣，但原來好攪鬼，而且做事認真細心，安排盡力，如爭取海景歺廳食早歺，而非團體層！全向湖房間！唔hard sell，如自費和牛&鮑魚，話不用一人一件，share食就得！表面大男人，但就成日提老婆女女！又博學多才，每朝上車仲講"股市1分鐘"，笑死！仲成日叫我地：咪食煙，咪玩女人，咪玩窩輪！但佢雖然因官非、朋友之死、高人而戒左酒，煙卻無戒，怕無人生意義喎！總之，我同釗哥勁like佢，我仲覺得佢好有成熟男人魅力添！

搭車去登別MAHOROBA温泉酒店，果邊5點就幾入黑，6點幾到，放底行李就去食洒店和洋壽司刺身自助餐！我地同一對新婚夫婦坐，好啱傾，男仲係police！佢仲問釗哥，我係咪做化妝喎，haha!!講返嘢食，嘩，刺身勁新鮮，每件細細塊，好得意！有即燒和牛、帶子&炸蝦，好yummy！蟹腳ok！粟米湯好creamy，正！巨峰提子仲正，好香，一咬提子肉就"標"出妮，滑dodo！南瓜仲一流，好香好味，唔同香港，有d似蕃薯味！仲有小龍飽、餃子！甜品就多數太甜，但紅豆丸子就勁good，好依un唔太甜！云妮拿雪糕好滑，半圖形賣相好Q！荔枝就唔好食！ 麵豉湯入面有mini草菇，第一次見吖！

8pm出去洒店附近小街行吓，因好早關門架！係其中一間發現christy心頭好，仲平香港成半，抵！見倒細細樽牛奶樽布甸，飽都要食！蛋黃味重，但好滑！釗哥買左啤酒 x 1! 我買了雪條，但雪櫃唔fuction,so.....

之後去浸温泉，第一次光豬浸，雖然開頭有d唔慣，但扮若無其事，無用毛巾添！見其他人胸又dum又細，車軚腰，豪華pat都表現自在，好快我就習慣lu！室內有大大小小硫磺泉，露天也有3個，但景觀一般，只望洒店！

入夜天氣幾凍，得8度！洒店係他他mi，比富士山靚得多，暖氣好勁，唔慣！仲有，大部份toliet，包括公廁，已經係洗patpat果種！第一晚11點幾瞓lu！

http://www.slide.com/r/2DauHMP25j8dAmAPSuyJiQDNbRjiU12C?previous_view=lt_embedded_url