Day 1--   -14-15度,瀋陽

今早寫hompy寫到5點幾,頂唔浦,走去瞓一瞓! 6點幾不情不願起身,call定taxi,著衫化粧，趕頭趕命出門口，bbqq仲嘈到拆天，攪到一入就撞倒蘋果保安！落到樓下，見架call 的停响2座，奇奇怪怪，原來係我頭先未瞓醒，up錯座號！仲因遲到幾分鐘，俾司機哦左幾句！

會合爸搭bus去机場！啱啱miss左一班，等左一陣！去到見過細細粒兼講嘢細細声嘅領隊Joesiphine wong ,就速速去左大家樂早歺，哈，個蕃茄通同醫院一樣味道！之後買左本U,就上机！釗哥就慘囉,2am做TM山火，OT到12noon，心痛！10:40am起飛，港龍KA920,2pm去到大連，落一落机，2:30pm再上同一班机去瀋陽！call過釗哥，佢瞓到暈左！講吓隻机, mini嘅,左右3個位!空姐有cute有靚，幾有礼！值得一讚係個飛機歺，器皿紅白色,好sharp! 食物仲好ok,有西芹蘿蔔豬肉飯，少辣，幾野味! 另外有菠菜寬麵，好爽口吖! 薯仔蔬菜沙律中有大蝦,新鮮!至正係菠蘿批,批面脆口,中間係菠蘿,底係牛油餅,三層口感,真係正正正!而轉机後有小香蕉 cake+橙汁作tea!

4pm到瀋陽，約-10度，無咩风,都ok! 原來lee度係有全陪+地陪，佢地接我地,出机場行一段路上bus,事關旅遊巴唔可以泊入機埸! 地面有不少冰及積雪,但污糟,因馬路關係! 要小心行路，d冰幾跣！今日無落雪!

第一站去中街購物大道行1hour! 全陪帶我地去鞋鋪買雪鞋,$49對,抵! 個個買深色硬膠,我就貪靚,買對白色尼龍+毛毛!仲係40號,預著厚襪+插褲脚!Dad無買,因細佬對鞋夠厚!

之後各自行,發覺好多鋪頭賣冰糖胡盧，我買了原味試下,(因有好多款)好好味,硬硬地脆脆地,好食過北京果d,可能lee度凍d,爽口d卦!$2一大串，但食一半已好漏,dad又食d,最後放棄lu! 再周圍行陣,發覺好多鋪頭都好in,亦有不少香港嘅牌子！街上亦有不少打扮入時嘅年青人添，真令我感意外! 晚上-14-15度,但又唔覺咁凍!集合時,團友攪笑師奶請我食mini粟子,好正架,比hk有味好多,又唔太乾身!團友仲食串燒添,但之後聽聞肚疴!

之後dinner,係普通歺,菜、魚、肉、蛋、湯樣樣有,仲有饅頭,但一般，酸排骨唔錯，炒蛋、炒云耳都啱胃口，但"巾"好淡,酸菜湯好咸吖！lee度d米好得意,肥嘟嘟似日本米!最攪笑每枱有汽水1支+啤酒2支！無人飲汽水，多數飲茶!5朵金花就有2個like啤酒！lee班師奶好攪笑,咩都講,好攪鬼! 雖然全團得我1個後生女,但團友實在太風趣,笑死我la!

釗哥call back俾我,佢同dad&mum dinner!

第1晚住4星holiday inn! 大堂有個聖誕feel城堡,仲有人現場彈琴，好有feel！上房後,領隊逐間巡,細心!

間房好寬敞,算乾淨舒適！BaTHING後,膚MASK,DAD仲冲杯HONEY TEA俾我潤吓!我再寫吓日記,睇吓報紙，就SLEEP! 釗哥打妮話仲食緊,講返TM case已ok,今朝村民仲請佢食芝麻糊，好攪笑！

間cafe有露天位,我地就全坐出面,小朋友就响地玩! 唔焗促,環境唔錯！設最低消買$60,而dinner set約$100-140!我叫左意大利飯晚歺，味道一般! 而釗哥就話唔肚餓，齋飲lemon tea! 果度if狗狗尿尿，疴屎,狗主都會自行清理拖地，真好!! lee度不失係勞dog嘅聚脚點! 門外有咪標位!

九龍城嘉林邊道8號a3地鋪. tel:23361838.

今日攞左假,3pm約左flying响青衣机鐵等,一齊入去disney! Zoe&野蠻妹遲d到! 我今次買全年飛,$650,去2次都回本,住hotel仲有7折,抵! 下年一定要繼續有吖(08得85折咋)! 由於我地都唔係第一次去,只係想感受吓X'max feel嘅Disney&影吓相,所以都係周圍行吓,shopping吓,影吓! 門口有paul聖誕樹,好大好靚架！仲排隊影聖誕feel米妮(相机校錯mode,檬檬地! ),唐老鴨，醜樣龍! Zoe&曉瞳後尾妮到! 野蠻妹表情多多,又識擺post,講嘢又扮大人,好好笑! 2母女又閙吓又sweet吓，好過癮!有d令我想.................

之後去探史迪仔，史迪仔講嘢好過癮，攪氣氛一流，笑到我吖！佢仲同曉瞳talk吓,又叫曉瞳唱歌，曉瞳唔怕醜，即唱"別怪他",好攪笑!! 之後再玩吓巴斯&過山車,食吓爆谷，睇埋閃閃城堡&煙花&飄雪,就走!  聖誕城堡好靚,識變色，好華麗！配上煙花&配音，好浪漫! 再戴埋disney眼鏡，仲可睇倒煙花變成雪花，好得意！之後青衣城,先妮影吓monsters,再去"一葉家"dinner!

PS: 响Disney,細路寧舍多優惠,有小朋友真good!!

hea一陣,就落樓下賭場,又係好大好靚,好寬敞好grand!!!

條威尼斯河係就係mini左d,但都挺浪漫嘅！

雖然package要$1099，不過物有所值!!!

平日價，各大旅行代辦，但要預早3個工作天!仲有,平日尾班船係8pm吖,咪miss吖!!

知釗哥鍾意飲紅洒，特意安排去行吓!

紅洒博物館要$15入場費,有得試飲洒,不過得1小杯! 埋面有葡萄洒種植及釀造歷史，由公元前1萬年至今！睇完歷史去試洒,開初係個nice鬼仔負責倒洒,我揀左甜嘅紅白酒,好正,易入口!! 咪再叫鬼仔倒其他俾我試,我又揀rose味,但.....好難飲! 同鬼仔影吓相,social吓,佢執d dirty杯走開! 由另一個中國女人睇埸,我地又叫佢倒返之前隻甜紅酒俾我地再試吓,她冷冷的說: 1人只限1杯! 於是走人,臨走前買左支甜紅酒,仲叫個女人倒多杯再試真d,佢見有生意做,先死死氣去倒,仲話買就決定la,外面無得買架! 神氣得佢吖! 俾張$500蚊紙佢,又嫌三嫌四,又話無得找!! 不過見釗哥鍾意,我又走返轉頭,買多支甜白酒!

高美士街澳門旅遊活動中心

7984188

10am-6pm,逢星期二休息

响Yahoo blog果邊，好多corgi爸媽friends會响Sat or Sun帶d寶貝去彭福公園喪跑+爸媽聚會！可惜近lee兩week釗哥都busy，就唔倒！今日佢得閒，咪自己去吓兼視察環境！小學去過之後,都未再云過lu!今日雖然係平日，但都好多人放dog，最多係史納沙！果度環境不錯，有free parking,又有好大遍草地，兼有圍欄，我咪try吓俾bb放繩走，哈~估唔倒個衰仔又叫得聽wor! 之後諗住放d狗糧响地下俾bb食(今早怕佢暈車浪，所以未餵佢),bb唔食，但有一隻柴犬走埋妮想搶食，不嬲儍更更"昂"居居嘅bb竟然發惡鬧人，嚇得我吖！有位狗主話："最好唔好係度餵野食，d狗易有紛爭架！"  真係多謝提醒！

另外，我成日懷疑QQ係"冷感"架！事関我未見過佢擒其他dog! 而今日第一次見bb擒隻史納沙，雖然心中有d覺得怪，但証明bb係正常！不過後來証實隻史納沙係男仔，莫非bb係............？！以免打攪人，bb唯有帶返狗繩！

仲有吖，我同釗哥有時會抖吓坐椅，坐坐吓，突然釗哥同我feel倒天降水點，望上天，Oh no！！！好多隻白鴿响tree上殊殊丫！！！

注意:

港島半山有一塊姻緣石， 相傳是求夫得夫，求妻得妻，求子得子的神石。 

地址：灣仔寶雲道（肇輝臺對上）地段。

交通：乘車往灣仔由肇輝臺或灣仔峽道徒步行十分鐘可到。

1PM倒,我、emily、細妹、吖馬、吖牛、子慧，6條女响中環交易廣埸bus stop集合，再坐往山頂巴士，中途落車，沿寶雲道去姻緣石！沿途平路，有樹蔭，有點風，又有山下風景！而我地6queen就咩都talk，東講是非，西講賤嘢，連途人鬼佬也令我地笑一歺，笑到牙胶軟，我地真係..........好嘈吖！！！

其實拜姻緣石要揀舊曆初六、十六、廿六去拜先好,今日正是喇！事緣吖馬不按日子拜了5、6次，就响面臨絕望時,遇到現任老公! 而我好同事Elsa就按日子去了1次,仲有婆婆"靈驗"之言,識了而家男友!而帶佢去嘅fd又係,識了樣好兼打政府工嘅老工!以上個案真的嚇了我一跳!!而今次係見倒個吖婆& 2 man,但無主動講咩吖!

上姻緣石要行d樓梯，上香，吖馬仲帶備燒肉還神，子慧因信教，所以無拜！而我細妹仲掛埋寶碟添！其實果度係有1set嘢可以買嘅,幾十蚊全套,下次真要我妹妹再來一次先得!!轉吓風車，添埋香油，就拾n級樓梯落灣仔，搭bus去中環...........

2點幾搭小巴上落馬洲，met埋flying，就上"水云間"！嘩，裝飾好靚，超乾淨！$96(VIP價)有2個鐘揼身+2個鐘大堂服務，1杯drink+1份生果！抵！同"康體"差唔多，環境就正好多！今日按脚同按肩嘅技師手勢勁得，好舒服！按身就普通la! 因得我地2個，所以冲埋凉，响返果度食飯！9pm走，釗哥接我地&送埋flying返home，就歸家lu!

正常平日價$118！

VIP年費近$400!

地址：福田區福强路居雅苑商業裙樓一、二屋

Tel:0755-83567888

29/11/2007 今次做日式推油!($138)

今日好少人，唔知關唔關天氣cold事呢！今次按肩&脚也不錯,按肩仲係男人添,手勢很好,但佢地總有陣味！之後我同flying做嘅日式推油就一般，只係按頭最舒服！都好似中式正d!釗哥就係自己做中式喇,仲讚不絕口! 另外熱石Spa好似唔錯,下次真要try吓!!!

尋早10am同Dad飲茶，食左少少嘢咁！之後去鑽石山"志蓮靜院"，因dad之前話想去！哈，比我想像中靚，仲好清優、寧靜，令人心曠神怡添！由於無香火，以燈代火，好乾淨，又好in！整個由木砌成，不用一釘一鐵！仲有各佛、觀音都好靚！

南蓮園池就多野睇d，種更多植物&花！沿途也不少攝影發燒友、鬼佬、老人家！入口係"烏頭門"，門上的花紋是依照敦煌高窟壁畫而造，雕刻精緻！內裡有木化石，原是樹木，經過億萬年演變成石頭，非常珍貴！仲有石館，內裡擺滿很多廣西的紅水河奇石、大化石、三江石等，有d仲可以俾人閒坐，好清涼架！其他仲有木結構建築藝術館，蓮池，蒼塘(養左好多肥錦鯉)....."松茶榭"係觀賞蓮池和蒼塘嘅最佳地方，供應武夷岩茶，是武夷山無污染產茶區嘅茶種，不過最低消費成$120！龍門樓係食山家素菜架，以前晤開放架，標榜少油少盬！我見到龍門樓外嘅瀑布&水車，已經覺得好靚，再睇倒瀑布內是龍門樓窗口，已經晤理自己餓唔餓，幾點鐘，已經衝入去！嘩，閒日都要等位！入到去，點左個素菜飽、素菜餃，total$75, 因下午茶每位至少要$35！點知佢話要每位至少要75，原來果時1點咋，lunch time！我真大意，慘la,頭先先飲完茶，都未落格！唯有再叫多個"翡翠福袋"！飽&餃d料差唔多，好清新，無油，仲有點薑味！飽細皮薄，香軟！至於福袋，個汁+福袋皮，甜甜地，內有多款蔬菜絲！Sat去一定full，要去就要book位！

城中古園 鬧市尋幽 雖由人作 宛自天開 

地址：鑽石山鳳德道60號，MTR C2，7am-9pm, Tel:23298811

 21/10/2007

尋日朝早，食個早歺，都無瞓過，釗哥放工返妮就恰左個幾鐘，就join christy搭西鐵出去！

今次第一次去，好新鮮，氣氛好好，加上係夜晚，感覺好唔同！令原本對海洋公園玩到麻木嘅我，又再覺得好新奇！仲有同釗哥、一大班fd、hompian友一齊，好熱熱鬧鬧吖！尤其係釗哥吖，lee排咁辛苦之餘，又陪我旅行，前日duty仲咁金添，尋日陪我玩又無怨言(佢對哈囉喂興趣一般咋！仲要尋晚好多足球賽事吖！)，令我好感动！看見他面上倦容，令我不禁收起小姐脾氣，體諒一下他，haha！

大家買定乾糧，再响金鐘大家樂邊等邊食，齊人11就出發！flying就因fd遲了，無法同我地一齊，好失望吖！4:30pm已經入到去，一連玩左3個鬼屋"鬼旅逃生""死囚浩劫""瘋醫生解剖室"！我不嬲唔怕，至怕釗哥係我後面突然攪我，笑鬼死！原來creamy&小玲真係好驚架，笑到我丫！有佢地响度，令恐怖氣氛增添不少！而寶寶之後同honey離隊，向各鬼屋進發，先睹為快！

之後行吓，玩吓機動遊戲！我有玩越礦飛車，夜晚玩更刺激吖！但唔係個個肯玩，好似每pair派代表咁，haha！街上有不少妖魔鬼怪周圍嚇人，好攪笑，仲影左好多相添！Christy 、 小K & creamy也不弱，造形突出，呃唔少人呢！我就帶吓帽、一時帶頭飾、仲有眼裝飾，不停換，連手指甲、耳環都唔放過，好貪心呢！仲派南瓜哈囉喂綿花糖添,hehe！

他們玩飛天千秋果陣，釗哥見人地玩"大力士"，佢又想試！我話：你隻手未好返晒喎！過2日又要考體能！不過他堅持玩一次，好細路，haha!

仲有坐"海洋魔天塔"，釗哥好開胃，頭先先食左巨無霸+薯條，而家仲响塔內食埋之前買定嘅三文治，仲話果度係旋轉歺廳添！

之後分2車搭纜車，夜晚風景很美吖！落車後再玩多1個鬼屋"鍾旭捉鬼"，可能夜晚氣氛好，加上lee個佈置恐怖d,時間長d,所以幾好玩！

影個合照,creamy&男友走先！而我&釗哥前晚因返通宵，體力不繼，亦宣佈離隊，同小玲走la！餘下christy&小K兩pair！

總括妮講，由搭車 & 纜車、排隊玩game & 鬼屋(除了熱門果2個)、買嘢食...，都係排一陣隊，唔算過份！

最後鳴謝：發起是次活動&邀請我嘅寶寶，加入人仕&聯絡hompian嘅christy,仲有買飛嘅小玲，抵錫，thanks!!!!

http://www.slide.com/r/uQ7gGmPf6j97ZepAhnYUrua1x0gWf_5Z?previous_view=lt_embedded_url