13/10/2007

天晴，9-15度

釗哥新屎坑，著新買嘅鞋！

食過洒店早歺，就出發去三文魚捕獵水車，lee個係日本著名嘅三文魚養殖埸！聽領隊嘅題外話，日本人以前先係向中國買左幾年鱔，之後自家繁殖，仲更肥更靚，叫做鰻魚！仲好有頭腦，發明左鰻魚汁！但lee個養殖埸好悶，不過周圍環境好靚！見三文魚扭蛋好得意，100yen，咪玩返個，lee個時侯，駐場嘅1位嬸嬸，手持一些東西，一邊猛叫釗哥伸手接住，一邊温柔咁講：present! present! 嘩，原來佢送左個扭蛋俾釗哥！啍，點解唔係俾我喎！之後要求合照，她怕醜婉拒了，我地離開後，她追了出來，送我一條小手巾，質地非常好架！無論咩原因都好，都好感動！上車後，領隊問邊個收到嬸嬸毛巾禮物，事関佢讚毛巾質地好，洗面一流喎！原來收到毛巾嘅有佢自己、benny&我！佢話係靚仔先有(佢以為係送俾釗哥)！頭先釗哥揸住影相果陣，你都唔係咁講架！！

下一站去北海道大學銀杏並木紅葉大道，這裡的道路兩旁長滿銀杏樹，樹葉部分已變成金黃色，直路望去，好美！領隊也校好靚位，趁馬路無車幫我地逐一合照！之後去7仔行吓，買左個牛奶樽外型嘅鮮奶布甸，好yummy！間7仔仲有個長頸鹿裝飾，同我手指甲果隻好match架！

100yen shop係我地要求去，所以得個半鐘，其實同香港$10shop差唔多，我買左d月曆，釗哥買左d呔！跟手去埋樓下間pet shop！嘩，好大間吖，好多唔同種類狗bb，但無歌基囉！不過買倒唔少手信！雖然pet shop多狗，但毫無異味，好衛生丫！最後去玩夾公仔，100yen一次，第一次釗哥噤錯制，食白果！第二次就一箭雙鵰:雞仔公仔+車仔，haha!

Lunch去食某洒店嘅"和洋自助餐",除天婦羅、咖哩飯、黑椒意粉yummy之外，其他就麻麻哋姐！半生熟蛋就更加食唔怪添！不過係lobby俾我買倒一條護士電話繩，好happy吖！之後向領隊訂左面膜(Q10:6300yen)，再聽他講解下一站行程+奉送一張細心地圖！

之後殺去狸小路商店街，先瘋狂買手信:筆+Food，有團體折扣，比出面抵！然後去商場睇Agnis b，不過無咩款，釗哥失望！再行吓,買左手信俾佢Dad, &買左2對絲襪俾自己！再去睇埋Porter，但又睇唔啱，返狸小路商店街行左陣，3 hours就完了！再去埋明治時計台影吓相！

有一樣嘢值得一提嘅，就係d的士停响街邊等客果陣，係會打開定度車門架，天氣凍亦如是！都好親切姐！

就去食牛肉+和豚豬肉Shabu Shabu放題dinner！2人一鍋！牛肉唔錯，+上肚餓，連飯一齊食到無停口，豬就一般！仲有食埋自費鮑魚1隻(6500yen)，尷生用清酒煮熟！但無咩清洒味，勝在新鮮彈牙呢，hehe!!飯後再睇古運河遺蹟(無咩特別！)&夜遊小樽，的確很美，但落微雨+cold丫！領隊校好靚位，避開現代建築物，幫我地影相，但...避不了途人呢！！

今晚住Hilton，好華麗！房間大點，向海！領隊仲細心安排吸煙層，haha! 食埋尋日買嘅朱古力飽(唔好食架)+洒店綠茶包(除第二晚唔知咩難飲茶之外，晚晚都飲)，再去領隊房交收訂左嘅朱古力、wasabi餅仔&面膜，&俾埋領隊導遊費(每人多俾$100呢，好滿意)，就瞓lu！

PS:今日下晝先發現，後2排坐位更寬敞呢！真笨！即刻轉都好過無！

http://www.slide.com/r/0FcLZ2lY5D8bB-KTVcaCkY2hMlvYD2cI?previous_view=lt_embedded_url

14/10/2007

天睛, 9-15度！

Hilton早歺自助餐地方，亦係落地玻璃向海，好舒服！

領隊為了俾我地睇吓日頭嘅小樽，所以早d出發, 8:45am起行！講真，以前以為小樽好浪漫！但原來只係就角度咋！一邊係古代feel,另一面卻很現代城市feel，真有點失望丫！

之後去了水晶音樂城，置身其中，好似進入了童話世界的小鎮，街頭播着輕快音樂、有不少卡通擺設、特色建築物、古董鐘、鐘樓..........進入某間音樂盒店，共有3層，3樓係自制音樂盒地方！而一二層是各式各樣嘅音樂盒，很美很美！我也忍不住買了1個！

有一間coffee shop好得意，飲coffee送埋套杯，幾十蚊有交易！即使我唔好coffee，都去試試！2樓d杯麻麻，咪上3樓，d杯靚之餘，仲可以出outdoor garden嘆coffee！garden布置很精緻，而望落音樂城街頭，好過癮！買了1杯coffee，得細細杯，約2、3啖，不過好易入口喎，一下子唔覺意俾我飲哂，所以有人黑面，hehe!!件小cake就乾爭爭，無妮味道！

時間無多，趕住去買玻璃製品俾大細妹做手信！最後揀了個手搖鈴，1藍1紫，1個她1個我！有個sale仲讚我d指甲好卡娃兒添，hehe！臨走本想買杯出名嘅牛乳or七溝軟雪糕架，不過零$唔夠，又好鬼飽，so作罷了！

下一站本應去白之戀人朱古力工房，但由於改expire date事件，故暫停營業！聽領隊講，係老闆母親叫工人改後一week！事件見光後，老闆自动暫停營業！所以改去了日本出名beer-七寶啤酒廠！原以為會好悶，點知又唔係噃！一路跟住領隊走&聽他講解，像小學生般！短片中，全自動化+毫不經人手+高速生產+人眼final check，都令我嘆為觀止！可惜此乃舊生產地方，無真嘢睇！最後去試飲，領隊先玩弄我地，叫我地飲beer排左邊,右邊就飲果汁汽水，還不可拖手呢！激死！釗哥唔執輸，有我相助下，飲左4杯，benny仲勁，6杯！我1杯姐！另有cheese & nuts送酒,正！另外有200yen抽獎玩，係日本球隊禮物！釗哥抽倒手襪！新婚couple Benny & toby就得pen only! 有團友有雨傘添！benny & toby又抽，終於有手襪&雨傘！釗哥心思思又叫我試，啍....pen咋！領隊話我地爛賭喎！

Last一站去千歲全天候outlet！好大好多名牌，不過得個半鐘，連埋自費lunch時間，少得可憐！向來唔喜歡旅行shopping嘅我，當然不介意la！先去nike，買左件jacket俾dad,釗哥買波襪&帽！之後周圍行吓，見倒好多dog！Poodle原裝版也有，成隻金毛咁大隻吖！

俾左1000yen tips俾司機，係要用紙巾包住先叫尊重架！他很nice&有禮，朝朝講早晨，上前接行李！亦好敬業樂業，視車如人愛惜，成鬼日見佢洗車架！

去到機場，未上机有d時間，周圍行shop，釗哥不停試食，d food唔似香港得丁丁件，我食幾件就投降，釗哥就飽住上机！日本time 4:30pm上機，途經台灣，夜空望下，好靚！但4個幾鐘頭機，有d辛苦！香港time 8:30pm到！

PS: 果邊係無bell boy架！全程自己拎行李！仲有丫，日本人英文雖然屎，但自創了3個英文字: Walkman、Karaoke、 Tsunami(海嘯)

http://www.slide.com/r/5DT6yZXO2D_AJR9gPhm4mA5_YDnJetb5?previous_view=lt_embedded_url

鳴謝：釗哥全程贊助！

12/10/2007

天晴，大風，7-13度

釗哥晨早起身，再去浸温泉，但男女温泉會輪流調轉，釗哥無為意，入錯女浴，俾一個穿了bra&under wear嘅本地婆婆提示下，才速逃！釗哥浸了我尋晚嘅風呂，好失望！早知我應該去浸先啱！！而我就响房對住洞爺湖，影吓相&玩自拍，haha！

之後落酒店食自助早歺，嘩，原來成層落地玻璃對住洞爺湖，好正！尋晚dinner因入黑，就唔覺特別！早歺無咩好食，依然係蛋卷至正！

今次旅行釗哥都愛上影相，成日玩自拍合照，又成日翻睇d相，好攪笑！去態牧場途中，見倒遍地太陽花，好靚吖！去到熊牧場，拿拿臨衝去買卡樂b蝦條，因為好搶手架，事關d涴熊好鍾意食架！另外，買埋蘋果餵棕熊就入場！首先餵棕熊先，好大隻黑mama，各有性格！有d熱情揮手，有d就大爺咁款，有d內向怕醜，有d仲瞓埋！總之飛個蘋果落去，佢地好叻對準個口接住即食！另外一邊有一排鐵籠，困住d捉返妮嘅野生棕熊，事関棕熊會襲擊人，好惡死架！之後去餵涴熊，佢地好得意，企起身打開手要嘢食個姿勢好可愛！但d人天不停拋一大蝦條落去，佢地食都食唔切，所以唔係點騷我地吖！有隻仲飽到走去角落頭嘔，嘔完又食返，好攪笑！剩返好多蝦條，又走去try吓餵棕熊，哈，又食喎！唔知佢地熱唔熱氣嘅呢！買埋d手信就走lu！

下一站係去任食水果園擇蘋果！真係好爽甜，自己揀，即擇即食，好過癮！我食左1個，釗哥食2個，每人再拎2個走！果度有一棵矮嘅mini蘋果樹好得意，釗哥仲執左隻mini蘋果仔俾我，好攪笑！仲有吖，佢地design左把蘋果刀好方便，由蘋果頂直切下去，即將蘋果分成6件兼無核！三十幾蚊把咋，但釗哥話買妮sign$喎！>.<而領隊今次嘅靚相位，就係爬上梯上面高抄影蘋果樹下！

離開鄉下，向ciyt進發lu!响車上不斷試食！紫菜、帶子、朱古力、wasabi餅2款............最後幫襯2款！

食lunch la!Lee歺激囉，話就話任食鐵板燒(太朗)，但嘢食款式多到嘔！除左各款燒肉外，又有多款壽司，仲要好鬼好味！即煮烏東爽滑彈牙！咖哩好味香濃！仲有沙律巴、炒麵、餃子........！連自制棉花糖機都有(俾釗哥笑我未玩過吖)！另外雪糕、汽水、爽健美茶、司樂冰(緣色、粉紅色)任飲任食，仲有自唧軟雪糕兼加配料，好好玩！仲有仲有吖....甜品好多款，窩夫、朱古力cake、緣茶cake吖！至正係粟子cake，粟子蓉好香滑新鮮，gooooood吖！另外仲食埋塊自費神戶牛柳(8000yen)，係領隊燒架，司機幫手！的確唔錯，但未至於好驚喜，另外仲有個盒留念添！Benny仲請左塊雪花俾釗哥食！

之後再出發去北海道神宮，它位於圓山北斜面，1870明治政府為祭祀北海道開拓之神而建，是日本最大的神宮！果日所見，都有唔少本地人一家大小去參拜，大嘅著得端莊，小女孩就穿和服，好卡娃兒吖！團友和我忍不住同其中一個小女孩合照，但她相當怕醜，愈影愈扁咀，當輪到我時，也嚇得我想放棄！但她媽媽笑她的女兒，亦好攪笑地要女兒影完為止！之後釗哥又揾穿和服嘅女子合照，唔知她怕醜定咩la,好似不太情願咁！仲有見倒個男仔B好可愛，勁似dad！最後响休息室飲茶食塊餅，就走lu！

再係薄野不夜天行一陣，先行吓拉麵街，再自己行supermarket，買左d手信+1件朱古力bread！釗哥仲試食拉麵添！然後行運動部，釗哥買左對斷碼adidas，約$280，開心死佢丫！

今晚住Sheraton Sapporo Hotel，房間比温泉酒店細，但豪華得多！由於附近建築物不高，即使房間景觀一般，但可望見遼寬嘅周圍環境，很舒服！至於晚歺地方就更靚，有教堂嘅布景，旋轉樓梯，加上圓頂透明天窗，好浪漫吖！今晚晚歺亦相當豐富，係長腳蟹自助餐！一坐底，侍應便端上一大碟長腳蟹，嘩，蟹腳又長又大又粗，正！釗哥enjoy拆蟹腳，我就不停進攻甜品！蟹腳多肉鮮甜帶海水味，加上係釗哥拆嘅，梗係正上加正啦！至於甜品，值得一讚係拿破崙，內有一層果沾，同cream好match，唔酸亦唔太甜，無搶味，正正正！

食飽後，就去享受贈送嘅水療SPA，不過無咩特別，浸按摩池姐！同團友talk左陣旅行經，就返房！原本想跟領隊出去食地道平靚正宵夜，但太飽+太攰關係，無去到！！

http://www.slide.com/r/XqAmFy_V1D-Wp4FBRZUz5fNGKVRWv4ir?previous_view=lt_embedded_url

11/10/07

天晴，大風寒冷，有過云雨，8-14度！

朝早一起身，聽到窗外有一大班人唱歌！望出去，原來有班地盤工人開工前唱歌！釗哥話：原來日本人都興！我就串佢：係人地學佢咋！之後落洒店食自助早歺！嘩，原味乳酪好鬼滑，易入口！蛋卷都好啱我口味！牛角飽就無香港咁好食！其他就普通，但款式多！

之後去登別地獄谷，煙就多，但唔熱嘅！沿路楓葉好靚！原來楓葉總共有6種顏色，加埋緣色先叫有7色！紀念品館內仲有得蓋印留念，好得意！昭和火山只係路經！

領隊介紹左隻"爽健美茶"俾我地，話好飲健康之餘，仲可通便，獲獎無數！果真無介紹錯，陣味好特別，好好飲，lee個旅程就係狂飲佢喇！

下一站去羊蹄山，果度有條小吊橋，兩旁有開滿楓葉嘅樹，好靚！去果度係為左飲湧泉礦水，d水自羊蹄山流下嘅雨水滲透至地底下，經過自然嘅過濾過程，而凝聚成甘甜嘅泉水，此水經過經年累月累積，含有各樣養份！當日就見倒唔少本地人去裝水走！我梗係唔執輸飲返幾口，果然冰涼甘甜，正！另外果度有間鋪頭仔，賣熱乎乎粟米，仲寫明甜度係14，見團友讚甜，咪試吓，真係好好好甜吖！仲有試食蜜瓜，又係超甜！另外領隊又推介一檔薯餅，好出名，100yen咋！嘩，薯蓉餡又軟又綿，熱辣辣，真係正到痺！仲食埋提子雪糕，老闆娘仲同我地影相！吖，食死人la！我地巴士開走，鋪頭d人出妮又byebye又彎腰，好親切吖！

Lunch去食毛蟹風味石狩鍋，歺廳位處海邊！但先去地下嘅蟹御殿海鮮市場，果度好多活海鮮，可自費購買加料，我地就買左毛蟹、响螺、海膽，盛惠17000yen！之後上2摟歺廳，嘩，望住大海食嘢真一流，仲可以行出露台吹吹風！自費海鮮加埋個毛蟹風味石狩鍋，好滿足！毛蟹主要食膏，啱哂釗哥！响螺爽甜，生熟食都good!海膽簡直令我愛上，事關我不嬲唔好，覺得又腥又一petpet！但今次食嘅，粒粒挺身豐滿，新鮮味甜，忍唔住係咁點豉油送飯！三文魚亦不錯！另外，日本火煱多用硬豆腐，表面燶燶地！不過都係軟豆腐好味d！飲埋CC lemon，正！領隊好鍾意幫我地影靚位相，完歺後，落正門，今次就影我地抬住隻蟹！haha!

跟住返洞爺湖Sun palace温泉洒店！Lee間洒店我好鍾意，首先我地間房對正洞爺湖，好似對住個海咁正！亦係瞓由尊人開嘅"他他mi"，房內仲有一個好靚嘅七彩水晶燈！酒店內仲有個和式温泉水上樂園，唔算話好大規模，但有各大小滑梯！好刺激好好玩！影吓新泳衣照，游一陣水咁！至於三段式人造海浪就停左，可能就關門關係卦！

玩完水之後，就食自助餐dinner，lee歺無咩特別，加上lunch食得太飽，好快走人，但自費飲嘅花泡香洒就好好飲！釗哥同我嘈左幾句，話我掛住影相，阻住佢食嘢喎！遲一兩分鐘食會死咩，食哂d food落肚又點影吖！我知你好攰，但唔洗咁燥&發我脾氣吖！我都無過問你食煙飲酒la！嬲得我吖！但當洞爺湖煙花正在房間窗外近距離爆放時，釗哥乘機撩我睇，嘩，打開哪個成幅牆咁大嘅窗，d煙花猶如眼前，好靚好浪漫！釗哥仲猛幫我影相！之後又去浸温泉！今次室外風呂，景觀開揚d,可望晴空&星星，仲要得我一個，好relax！不過釗哥果邊仲正，室外風呂對正洞爺湖吖！

行陣酒店機鋪，飲包北海道牛奶，就瞓lu！

仲有段小插曲，話說上酒店房前，係lobby等攞key，當領隊叫我，我就去攞key，然後一支箭去等電梯，等等吓，釗哥問我：妳咁悠閒嘅，妳件行李呢？吖...........好瘀吖，擰轉頭望，件行李响lobby中心！好瘀吖！！！

仲有仲有，舊相机非原廠電真唔掂，差d以為canon壞左！另外部PMP又唔知做咩，話我張SD無file,激死！

http://www.slide.com/r/UMfeEJNG7j8OTHHWr7mpTXv2el_n3Pmw?previous_view=lt_embedded_url

10/10/07

JKK5CX(縱橫遊，國泰)

下機前有雨，9度！

無錯，我係無瞓過！不過旅行前我通常係咁，留返係飛機瞓ma,機程都4個幾鐘！

釗哥果朝懶瞓，我有d黑面！6點幾搭的士去機場，半個鐘就到，盛惠$180！比預期集合時間7點半早左d，個領隊叫我地坐吓，d登機証未有，因日本而家好嚴，會耐d！但我就話：好肚餓吖！至於領隊，初頭望落去，成四五十歲，板起塊面懶醒咁款，印象麻麻！攞左登機証後，去寄行李，點知for團體櫃位得2個，條隊就水蛇春咁長，當堂無mood！事關我肚餓麻！好快我地後面d人龍都好長！正當我不耐煩之際！突然有位女職員，走到釗哥身旁，望住釗哥話：麻煩你過妮lee邊吖！我同釗哥仲一頭霧水之際，原來佢係開條新line去舒緩人龍，haha，所以好快就寄左行李lu！之後返去聽吓領隊講解，就派form俾我地先：妳肚餓，去食嘢la！hehe！笑死我！我地去左burger king食早歺！奶茶亦都到左機場&call我，我專心填緊form，所以互相告知登機閘口就收線！入閘之前，買d雜誌零食，又call吓奶茶，但無人聽！我亦夠鐘入閘，响26號閘排隊登機嘅時侯，突然耳邊有人講：我妮送機吖！個奶茶吖，變態架！亦首次見佢老公！斯文款！佢又話：咦，妳男友真人又唔似胡冰喎！(佢之前睇過某張電話相話似喎)我跟住叫釗哥快d俾個肚腩人睇la,激死佢haha！

CX580九點飛！釗哥坐窗口，63K&H,釗哥好攰又忟，瞓全程，唔小心整醒佢就黑面！(佢好攰兼瞓着教果陣，會好似上身咁架，咩人都無面俾，試過瞓瞓吓發夢打我一搥，我痛到喊佢先知，勁say sorry！真嘔电！！)

飛機歺食魚(好多薑但又腥，難食！)&牛(好味好多！)！但我都係鍾意食歺飽，又熱又軟，食左2個！仲有仲有吖，有個空中少爺幾靚仔架！而果邊比香港快1hour！日本時間2點幾到機場！過健康櫃：say honk kong就ok！過入境，好耐吖！過行李，staff想check釗哥件行李，咪打開晒俾佢check！學領隊話齋，未check就扮檬，咩都say no！佢一話check行李，就要表現nice，免被留難！因而家多數都check行李，不過個staff都好有禮，仲問我地stay幾耐！比10年前，日本人英文好左d！

上縱橫遊大巴，36人仲有位剩，舒服！領隊話尊玩頭4行人仕，我地就坐左車尾！lee個團有1家6人，有老人！另四五十歲幾pair，3十幾歲pair，我地至young！個個好nice，無bb巴巴，亦無煩人！

領隊係好資深(49歲la)，雖然粗聲粗氣，但原來好攪鬼，而且做事認真細心，安排盡力，如爭取海景歺廳食早歺，而非團體層！全向湖房間！唔hard sell，如自費和牛&鮑魚，話不用一人一件，share食就得！表面大男人，但就成日提老婆女女！又博學多才，每朝上車仲講"股市1分鐘"，笑死！仲成日叫我地：咪食煙，咪玩女人，咪玩窩輪！但佢雖然因官非、朋友之死、高人而戒左酒，煙卻無戒，怕無人生意義喎！總之，我同釗哥勁like佢，我仲覺得佢好有成熟男人魅力添！

搭車去登別MAHOROBA温泉酒店，果邊5點就幾入黑，6點幾到，放底行李就去食洒店和洋壽司刺身自助餐！我地同一對新婚夫婦坐，好啱傾，男仲係police！佢仲問釗哥，我係咪做化妝喎，haha!!講返嘢食，嘩，刺身勁新鮮，每件細細塊，好得意！有即燒和牛、帶子&炸蝦，好yummy！蟹腳ok！粟米湯好creamy，正！巨峰提子仲正，好香，一咬提子肉就"標"出妮，滑dodo！南瓜仲一流，好香好味，唔同香港，有d似蕃薯味！仲有小龍飽、餃子！甜品就多數太甜，但紅豆丸子就勁good，好依un唔太甜！云妮拿雪糕好滑，半圖形賣相好Q！荔枝就唔好食！ 麵豉湯入面有mini草菇，第一次見吖！

8pm出去洒店附近小街行吓，因好早關門架！係其中一間發現christy心頭好，仲平香港成半，抵！見倒細細樽牛奶樽布甸，飽都要食！蛋黃味重，但好滑！釗哥買左啤酒 x 1! 我買了雪條，但雪櫃唔fuction,so.....

之後去浸温泉，第一次光豬浸，雖然開頭有d唔慣，但扮若無其事，無用毛巾添！見其他人胸又dum又細，車軚腰，豪華pat都表現自在，好快我就習慣lu！室內有大大小小硫磺泉，露天也有3個，但景觀一般，只望洒店！

入夜天氣幾凍，得8度！洒店係他他mi，比富士山靚得多，暖氣好勁，唔慣！仲有，大部份toliet，包括公廁，已經係洗patpat果種！第一晚11點幾瞓lu！

http://www.slide.com/r/2DauHMP25j8dAmAPSuyJiQDNbRjiU12C?previous_view=lt_embedded_url

6/10/2007

永安

晨早5點幾起身，搭的，再由天水圍搭預先已約好的紅的出去中港城，嘩，都成2佰1蚊吖！食過M記早歺，就搭7:30船(順水号)去順德！大約9:30到！然後又搭個幾鐘車，去新慶嫂漁港食lunch"西江河鮮宴"，一般la，普普通通，但d河蜆超細隻，好似bb咁，好攪笑！

之後就惨la,要搭差唔多4個鐘頭車程！short架咩，點解無人話我知架！而家咩年代吖，仲要咁長車程！基本上，我一上車就瞓，一睇景點又立即"精伶"返！吖爸問我點解可以話瞓就瞓，話醒就醒，夜晚仲可以瞓得咁好！haha!係個油站買左盒綠茶餅，又上路！中段去左"水云間"，即係又係介紹雲南民族，& sell茶葉(for鄉間小朋友讀書)！佢個個地方都有類似"分店"，今次唔知係我第n次去過，悶死人！！

4點幾，終於去到德慶盤龍峽旅遊風景區，睇亞洲最大型瀑布群、傳統水車群！無錯，d水車群真係幾靚幾得意，令我一下子忘記了多個小時嘅"舟車勞頓"！雖然天氣很熱，行到汗流浹背，但置身於風景區內，仍感到很舒服，陣陣涼風撲面！大大小小嘅瀑布，沿途皆是，有急速澎湃，又有短少急勁！當中以"騰龍飛瀑"最壯觀！中途吃過山水豆腐花，好稀，麻麻地！另外亦見到唔少人玩激流&吊索，但基於大陸嘅"安全"措施，所以無香港人玩架！行完之後，大約接近2小時，成個人散晒，隻腳又係度震震吓，事關不停落梯級吖！

食過德慶家鄉宴(又系普通貨色，唯獨隻雞好肥美，吖爸食得好滋味！)dinner之後，就欣賞藏族歌舞表演，表演娘娘地，但班表演者都幾靚仔靚女架！

(藏族係母系社會，女權至上，男女如在舞會中合眼緣，可共住3年，男人以打理家頭細務去表現誠意，if 可以，就成婚！

um...........我都係鍾意有少少大男人&Man啲嘅男友/老公吖！haha!)

表演完，9pm lu！就返酒店！但鬼咁遠，竟然要自己行，攰死！係手提電筒下，見倒薰衣草小木屋別墅區遍地都係薰衣草！但入黑了，所以無咩感覺！但小木屋就好正，好靚，廁所好in,企缸有按摩水療兼有座位，連腳部也有按摩水療位！但試用後，水力很弱，無料到！仲有吖，企缸同廁所門都係透明，攪到我冲凉果陣，叫老豆咪行過妮吖！！房間亦寬大，床也瞓得好舒服！露台亦很靚！朝早望出去，遍地薰衣草，2個小風車，加埋周圍遠遠近近嘅小木屋，確係心曠神怡！順帶一提，可能係人工種種值，or地理問題，薰衣草色擇較暗雅吖！

仲有仲有，個導遊好唔得吖，又唔睇吓我地間房有無問題就閃左！d遙控器又設計"獨特"，攪左一輪先掂！右邊隔妮房又話條key取唔返出妮！左邊間房又話無廁紙！！call領隊又唔聽電話！揾導遊仲衰，俾我地個room no.又錯嘅！激死!!!

7/10/07

係洒店時間着實不夠多！第二朝早7am就去食洒店早歺，其中一款南瓜餅雖然甜左d，但幾好味！之後去肇慶千年古剎"梅庵"，即係古廟！上過香，行過圈，就走！跟手去lunch"地道農家宴"，魚、蝦、雞咩都有，但味道普通la!最後去"肥仔偉"裹蒸粽製作坊！開頭以為有幾得意&出名！點知無人製作俾我地睇嘅，地方又upupdoudou！我地又要坐係好迫劫好殘嘅木椅度試食！仲要隻粽多肥膏，又唔好食！之後又搭3個鐘車，由於時間早，被安排去李禧記食雙皮奶，唔錯，好香牛奶味，但甜左d！4pm去碼頭，呆坐至5:45pm上船(順風号)，7:30返到，再同dad去天水圍銀龍食dinner！再返屋企攞個喼，釗哥接我走！

提一提個司機，又係唔得！有次開門撞倒我不特止！次次去完景點想返上車，佢就唔知閃左去邊，永遠係人等車&暴曬！更唔會早少少開定冷氣架，我地上親車，下下要熱一陣！我忍唔住同導遊講，之後先有改善！激氣！

仲有，果度除左小木屋，還有其他唔同類形嘅洒店，又有獨立屋，好正架！另外又上水上樂園&bar！其實都係一個好嘅渡假勝地！

http://www.slide.com/r/eGfyHlZ-0T-ljzXzMiJcQP6omFW3r672?previous_view=lt_embedded_url   

出到西貢，好快就揾倒電車迷玩樂場！去到泊好車，已遠遠見倒有人玩緊水球，2女1男，好開心咁！我已急不及待除鞋話要玩，見負責人用2條大氣管將個波吹脹6/7成，就叫我係拉連位捐入去，然後繼續泵氣，令個波完全吹脤，慢慢將氣管拉出，並拉上拉連，我就將內裡摩術貼封好，負責人提醒，有事就舉高拳頭，而拉鏈位盡量向天！落水啦，好過癮，浮吓浮吓，想起身行，又好難平衡，所以爬就多過咩！同埋條河範圍細，個波又有繩拖住，唔爬得幾遠！喺波入面，好似與世隔絕嘅感覺，但又聽到外面聲音！至正係成個人瞓喺入面，好relax咁放鬆body，浮吓浮吓，d水又好似沉注妳咁，好得意吖！由於個波係密封，所以玩一陣就熱，但唔算焗！亦由於氧氣問題，大約每次只可玩10mins($40)，如响入面郁得好勁，可能會辛苦d架！釗哥無玩，話手痛喎！

但佢一見倒越野四驅車，就話要玩！我心諗:嘜您唔係手痛咩？

個爛泥地雖細，都有幾個大大小小山丘，又多石，對我妮講已經覺得好刺激，架車去盡唔算話好快，但都算夠用la！$80-20mins！另外仲有電动Harley仔玩！隔妮亦有得BBQ！順帶一提，個負責人好nice，講解玩法亦細心！

地址：西貢大網仔路橫崗村１号Ａ(警署後面)

Tel: 94334711

玩到身水身汗，但都周圍行吓西貢，先去買QQ間Pet shop緬懷吓！經過間歺廳Appetito，有雪糕賣，試左杯Tarimisu味，唔錯，香滑新鮮！之後見唔少得意嘢，如小樽食物飾物，$10一樽，買左3個！得意貓玩具，買俾soso！八哥襟張一個！另外我買左件衫，同一條平靚正嘅裙，$120乍！釗哥都買左件T，又係百幾蚊，佢超鍾意，仲話件衫簡直突顯哂佢美好身段喎，笑到我噴飯！跟住入左間以有機"歌基"狗作招來嘅有機食品鋪，見到d雪條好特別，話係fruitfull，有忌廉類，or沙冰，釗哥揀左紅梅沙冰雪條，口感唔錯，但好藥水味，我估其他味or忌廉會正d！行過雜誌攤，又見歌基做封面嘅magazine，當然買番本支持吓la！臨走仲買左3盒泰國糕點！(千層糕-勁依un但味淡，椰汁糕-正，椰子糕-有椰青肉，好彈好爽，正！)

 $1590包住一晚，2人早歺+spa！

 之前聽emily講，已經知道lee個套歺！但無為意！點知子慧上個monday做過，話ok，價錢要成$800一位！心諗：個套歺咪好抵，2人spa價就可以多一晚住&早歺！所以決定book for慶祝釗哥生日！橫掂佢唔like行街，靜靜地啱哂佢！

果日落雨，原本想準時3pm入去游吓水，最後都放棄！出完去CWB dinner返妮先check in！都成夜晚11點幾！可能少人book，佢俾左頂層我地，間房大不特止，床又大(不過瞓到我手痛)，露台仲大，廿幾人開party都得！

第二朝起身，去食早歺，嘩，早歺拍得住個lunch buffet，超多嘢食，6:30-10:30am供應！

然後去做spa！原來男女分開！我個按摩師來去匆匆，講嘢又快又唔nice，完全俾唔倒我relax+親切嘅feeling！地方都舒適ok，有個按摩池，一間沉浴房，同spa room！開始係全身磨沙，磨沙cream陣味好怪，不討好！之後全身+頭頸按摩，好大力，唔舒服囉！2小時後，個按摩師以冷淡急速嘅語氣問我飲咩果汁，然後叫我離開！唉，原來個spa係無花瓣沉浴(沉浴機壞左吖！)，好失望！！

comment: not recommend囉！

另外有個生日優惠：$900住一晚包早歺！

7/8/2007

果日去睇3D版哈利波特！雖然得尾段20mins(開始嘅話，營幕底會出現眼鏡圖案作提示)！但都好過癮！好似罝身其中，一齊飛，d嘢跌落妮都好似跌落我個身咁！但同disney land嘅4D卡通比，都差d！而家去睇戲可有2個鐘free parking架！

石澳沙灘好多人都鍾意去，正灘又大沙又靚！附近有好多租用水上用品嘅士多，e.g浮床，多多花款！而係沙灘就有吖嬸負責租遮！我果日去，租左把太陽遮，2張沙灘椅，$30+$20+$20！不過我見有d人開頭淨租遮，個吖嬸就話沙灘椅計平d，$10張！激死！成個沙灘劃成一個個區域，區域以外不可放遮同埋椅！

除士多外，仲有唔少歺廳，中式、泰式、茶歺廳、小食店等等！附近仲有個燒烤場！平日揸車都幾方便，有幾多free parking！但假日就咪la，full到爆！私人停車場成$30個鐘，肉都赤！遇上假日要沖身，排隊排到傻，大家不仿考慮士多仔如:龍記，都係$10次，方便快捷！！游完水食飽飽，不仿可到後灘走走，浪漫吓，兼幫襯後灘間"石澳風帆"洒吧！有寵物人仕，更可帶埋心肝寶貝妮後灘添！！